遙控車入門|鍾家強のくつろぎ空間|kkchung Blog

    先講講大家都好熟悉嘅3Racing， 今次呢一架(櫻花Xi SPORT NU) 可以話係之前嘅 Xi SPORT 修正更新版。 基本上同之前嘅 (櫻花 Xi SPORT) 設計係無分別嘅。 但係好多部分到重新製作改善， 同時比上一代多了防傾桿成為標準裝備。 色彩風格亦都配合未來 3Racing 方向的鈦啡色嘅色調。

    玩櫻花 Xi SPORT 車系 有一個好處，就係有好多 唔同場地 所用的數據上嘅支援。架車個耐用性都唔係太差。懸掛膠料方面呢如果爛咗， 可以換成含碳化纖維的 A臂咁樣耐用性就會有明顯提升。而學界方面，因為有不小中學到 選擇用呢架車做教學。 所以喺學界嗰個佔率係非常之高。 零件都比較容易買， 同埋國內有老反零件生產。

    一般玩如果想提升性能， 我會建議買一套三節萬向及頭金屬直軸柸。 其他只要買啲 A臂、C座、轉向柸 呢啲損耗、後備零件 咁樣就得㗎喇。 當然亦都可以買定一套彈弓， 配合番你去玩嘅場地去調整時用。 而玩呢啲車都係為咗慳錢， 所以好多金屬嘢都係無需要嘅。 而且原裝一排膠件個價錢係好平好平， 如果真係玩金屬零件我都只會建議買金屬電架同埋金屬臂碼就夠㗎啦。(櫻花Xi SPORT NU) 喺三架裏面價錢最平，人仔約 $588 (HKD720左右)。

香港 XPRESS XQ1S：

    然後到講講近期到好多宣傳嘅 XPRESS XQ1S！呢架車基本係 旗艦版 XQ1 嘅膠料版！除咗將波箱部分轉成膠料外， 板料方面都轉成玻璃纖維。而設計上摩打座改成以往左右兩分的做法而不是中央鎖定設計。XPRESS XQ1S 原身是沒有連上防傾桿(HKD89)，買新車也可同時一起選擇。别外金屬六角接合器也會建議同時選購，價錢約在 HKD140 。而 XQ1S 車架價錢大約在 HKD790左右。

    支援方面原廠有多名香港一線車手在跑，而有問題時可以在 Facebook 或車場找(飛仔)會比到很多資料。 呢架車架廠方嘅賣點係耐用，即使用到 4.5T 高速摩打到無問題。零件主要去返母公司網上電波模型便很容易買到。而且距哋開始舉辦 XPRESS 柸賽事，其中一項係跑(原裝 XQ1S) 車架的限制賽。

大陸 SNRC R2(HOBBY KING Blaze R2)：

    呢架車係三架裡面最重料嘅一架。SNRC 即係大陸嘅 司南模型，呢架版本嘅 SNRC R2 大家可以想成係 RGT R2 嘅升級版。本身有唔小金屬零件， 其中包括金屬油壓、金屬臂碼、金屬頭直軸等等。價錢大約在 HKD777左右，喺三架裏面價錢最超値。

    喺香港呢架車支援嘅資料唔算多， 但可以未來買 MTS 2018 升級套件成為別一牌子嘅 競技車架。 咁樣呢就可以問返香港 Team Powers 車隊改成 MTS 2018 後的資料。

    呢3架車各有好壞！ 最易搵資料嘅當然係 3Racing 櫻花 SPORT NU。 原裝車最齊料嘅係大陸 SNRC R2。 近期好活躍時常有車手係車場教路同試玩嘅 XPRESS XQ1S。 而我自己玩邊一架都冇所謂， 睇你鍾意返邊一個牌子或朋友在玩那款去選擇便可以。