2018年有乜入門電變?
今次到講下2018年5月有乜嘢五百蚊樓下嘅入門電變推介。近年五百蚊樓下嘅電變真係有吳小， 有啲係老翻有啲係將舊型號再簡化功能出售。
其實一個電子變速除左硬件功能同散熱設計好壞外。係裏面嘅程式會直接影響性能同埋可以調整嘅範圍。尤其是去到一啲特殊情況同埋環境下， 就會有明顯嘅優勢上分別。 所以我會比較推薦一啲新款而又完善程式功能嘅廉價型號，而不選上一代或簡化版電子變速器。
除咗你真係冇錢我先至會建議買國內 百幾蚊 仿製 好盈HobbyWing 速龍 120A V2.1 這款老舊電變或好盈為打擊這些老翻 而把速龍 120A V2.1 簡化(鎖定不能升級)程式成為 QUICRUN 10BL120 的電變。P.S.我會選新一代 95A 電變，價格也差不多。
而家新嘅電變程式除咗有 Booster 功能外，更要有 PWM FREQUENCY 同埋較幼細動力調整能力。 因為當你面對 一啲惡劣環境同時又動力過大又或者本身用如13.5T 以上限制賽類摩打，如果你能懂得好好運用程式調整會有很明顯嘅分別及控制上幫助。
Team Powers XPS V2系列會係我主要選擇之一。除了 45A版太低 承受負載 Amp 數我不會選購外，90A SPORT 版 同埋 120A PRO 版 對於入們玩是很不錯。而且這兩款電變同原廠 旗艦版所用的程式是一樣，所以有很好的對應能力。同時買電變時已有調整用的 手提調整咭一起，可以調整電變全部功能不用再别外再買。
其中 XPS SPORT V2 95A 價錢太約在三百中多些， 雖然話可以用好快嘅摩打。 但係我都只係建議用到 13.5T 就好啦， 尤其是你開 Booster 功能時留意散熱同温度。 呢款 好適合資金唔多嘅學生，用嚟玩學界賽事又有一定性能又唔會太貴。 又抵過買隻(老翻(好盈 120A)加(調整咭 program box)個價錢。
別外如果想玩快啲嘅 4.5T 摩打， 就一定要選貴一啲四百中多蚊嘅 XPS PRO 120A 先至得。 不過雖然話有得 120A 乜嘢摩打都應該可以用到， 但係你記住全部五百幾蚊嘅電變。 都唔係全金屬外殼幫助散熱， 所以你哋調整嘅時候(尤其係 Boost 時)。 一定！一定！一定！要留意電變溫度極限去調整， 唔係你多多電變都唔夠燒。
好多時貴同平雖然功能係一樣！但係要記住 五百蚊隻 120A 電變同 千五蚊隻 120A 電變， 可以承受嘅極限係有分別嘅。 所以一定要做好散熱，平常玩前留意電變風扇 狀態。 喺進角調整上除咗基本睇住摩打溫度之外，同時需要睇住電變溫度做極限調整。
同埋 Team Powers 維修喺香港都算方便， 一般從模型店到了他們手上之後約兩個星期至三個星期就會返嚟香港再發回店家。 調整方面除咗可以喺網上問到之外，係 PYC 都有一個Team Powes 專櫃 可以幫到大家。 如果你喺 facebook(找方景)或者遙控工房 www.rc-evo.com， 佢都有個廠車手(網名：新人) 可以有較快嘅解答比到你。
留言列表
